Kenny Mugarura Umuyobozi wa 1:55 AM Ltd ireberera inyungu Bruce Melodie yemeje ko umushinga w’indirimbo y’uyu muhanzi na Yemi Alade watangiye gukorwaho.
Mu minsi ishize, nibwo Bruce Melodie yatangaje ko nyuma yo gusohora indirimbo ‘Pom pom’ yakoranye na Diamond na Joel Brown, abarimo Yemi Alade bahise batangira kumusaba ko bazakorana indirimbo.
Bivugwa ko nyuma yaho Yemi Alade yoherereje umushinga w’indirimbo Bruce Melodie ngo yumve niba yayishyiramo igitero cye.
Mu kiganiro aherutse kugirana na IGIHE, Kenny Mugarura Umuyobozi wa 1:55 AM Ltd ireberera inyungu Bruce Melodie yavuze ko imirimo yo gukora iyi ndirimbo irimbanyije.
Ati “Nibaza ko na Bruce Melodie yamaze kumwoherereza umushinga wa mbere yashyizemo igitero cye […] icyizere cy’uko iboneka vuba kirahari kuko icyiza yaba we cyangwa uwaduhuje na we ubushake burahari.”
